இங்கிருந்து பார்த்த போது
அங்கே யாரும் இல்லை
அங்கேயிருந்து பார்த்தாலும்
அஃதே
***
ஒன்றும் ஒன்றும் இரண்டு
ஒன்றும் ஒன்றும் மூன்று
ஒன்றும் ஒன்றும்
ஒன்றுமில்லை
***
ஊன்றுகோல்
ஆணியில் தொங்கியது
தாத்தா உத்தரத்தில்
தொங்கிய பின்
***
பேப்பர் வீசும் பையன்
பேப்பரில் இருந்தான்
இன்னும் பேப்பர் வரலையா
அப்பா திட்டிக்கொண்டே
அலுவலகம் சென்றார்
***
குடையின் மேலே பெய்த
மழைத்துளிகளில்
பூத்துக்கிடக்கிறது குடைக்குள்ளே பூ
***
18 comments:
மூன்றாவது மட்டும் மனதை பிசைகிறது ராகவன் (:
எல்லாமே நன்றாக இருக்கின்றது ராகவன்
எல்லாம் நல்லா இருக்கு அண்ணா!
//குடைக்குள்ளே பூ //
செம!
வாசிக்க வாசிக்க இன்னும் வாசிக்கத் தோன்றும் கவிதைகள்! தலைப்பும் பிடித்திருக்கிறது. வாழ்த்துகள்.
-ப்ரியமுடன்
சேரல்
குடைமேல் ஒட்டியிருக்கும் மழைத்துளியாய்... மனதிற்குள் ஒட்டிக்கொள்ளும் வரிகள்.
////ஊன்றுகோல்
ஆணியில் தொங்கியது
தாத்தா உத்தரத்தில்
தொங்கிய பின் /////////
வார்த்தைகளில் வலியை வீசி செல்கிறது கவிதை அருமை . பகிர்வுக்கு நன்றி
//பேப்பர் வீசும் பையன்
பேப்பரில் இருந்தான்
இன்னும் பேப்பர் வரலையா
அப்பா திட்டிக்கொண்டே
அலுவலகம் சென்றார்//
:(
கீழே குடைக்குள் மினுக்கட்டானில் இருந்து மேல்நோக்கி வாசித்துப் போனேனா, இருள்வெறுமை வெறிக்கிறது.
//ஊன்றுகோல்
ஆணியில் தொங்கியது
தாத்தா உத்தரத்தில்
தொங்கிய பின்///
எல்லாம் நல்லாயிருக்கு. மேலே உள்ள கவிதை அருமையோ அருமை.
ஊன்றுகோல்
ஆணியில் தொங்கியது
தாத்தா உத்தரத்தில்
தொங்கிய பின்
சொல்ல வார்த்தையில்லை
எல்லாமே ரொம்ப நல்லாருக்கு ராகவன்.
//பேப்பர் வீசும் பையன்
பேப்பரில் இருந்தான்
இன்னும் பேப்பர் வரலையா
அப்பா திட்டிக்கொண்டே
அலுவலகம் சென்றார்//
VERY GOOD LINES.. I IIKE
மூன்றாவது மனதைத் தொட்டது.
ஆனால் எல்லாமே மினுக்கெட்டான்கள்தான் !
அருமை.... மூன்றாவதுக் கவிதை ரொம்ப நல்லா இருக்கு...
ஒன்றும் ஒன்றும் ஒன்றுமில்லை---- கனம்
கவிஞர்களின் கற்பனையே...கற்பனை...என்ன சொல்வது...
அனைத்தும் அருமை.. :)
அன்பு நண்பர்கள்,
எல்லோருக்கும் என் அன்பும் நன்றியும்...
ராஜசுந்தரராஜன் அண்ணன் அவர்களின் முதல் வருகை எனக்கு சந்தோஷத்தையும், அங்கீகாரத்தையும் தருகிறது...
அன்புடன்
ராகவன்
Post a Comment