வேய்ந்த இருள்...

மரணத்தின் நகக்குறிகள்

அழுந்த பதிந்திருக்கும்
கதவுகள் உடையதும்
நீர்க்குமிழ்த்திரைகளினால்
ஆனதுமானது
எனது வீடு

கதவின் வழி வருவதைவிட
சுவர்களின் வழி வருவது
எளிது தான் என்றாலும்
யாரும் முயன்றதில்லை
இதுவரை
எப்போதும் கதவுகள்
மாத்திரமே தட்டவோ அல்லது
தகர்க்கவோ படுகிறது

கதவின் மீதும்,
அழைப்பு மணியின் மீதும்
பதிந்திருக்கும் வருகைக்கான
சிதைந்த காலடித்தடங்களில்
என் முகவரி இல்லை
எனக்கான குறிப்புகள்
எதையும் விட்டுச் செல்லவும் இல்லை

சுவர்களின் வழி
தெரியும் உலகத்தில்
திரிபவர்கள் எனக்கு உறவுதான்
என்றாலும் எனக்கு
அவர்களை அழைத்துப்பேச
அளாவளாவத் தோன்றியதே இல்லை
என் மூதாதையர்களின்
சாயலற்று இருந்தார்கள் என்பதைத் தவிர
வேறு காரணங்களும் இருந்திருக்க வேண்டும்