அச்சிறும்...

அடைத்து சாத்திய கதவுகளின்
இடுக்குகளில் கசிந்து உட்புகும்
மழை நீர்
விளக்கு வெளிச்சத்தை ஏந்தி பிடிக்கிறது
மேலே மிதக்கும் துடைக்காத
தரைத்தூசியை
சரிகையாய் சுற்றிக்கொண்டு
மினுக்கி நடக்கிறது
பட்டுப்பாவாடை அணிந்த சிறுமி மாதிரி
இறந்துகிடக்கும் எறும்புகளை
நட்சத்திரங்களாய் அணிந்து கொண்டு
மேலும் நடக்கிறது
மேட்டில் ஏறமுடியாமல் ஒரு இடத்தில்
குவிக்கிறது கொண்டு வந்தவைகளை
தேக்கியபடியே
அவசரமாய் செய்த கப்பல்
மிதக்கிறது என்னையும் என் மகளையும்
சுமந்து கொண்டு தூரதேசத்திற்கு