மாற்று...

இன்று நல்ல நாளாய் இருக்கவேண்டும்
நீண்ட நாள் நிலுவையில் இருந்த
தீர்வைப்பணம் வழங்கப்பட்டது
பாக்கி வைத்திருந்தவர்களுக்கு
அரைப்பங்காவது கொடுக்க முடிந்தது
இருளோ என்றிருந்த வீட்டிற்கு
மறுபடி மின் இணைப்பு கிடைத்தது
கேபிள் இல்லாம கஷ்டமா இருந்தது
தொடர் நாயகிகளின் சோகபிம்பங்களில்
தேறுதல் அடைய முடிந்தது
அவளுக்கு ஒரு புடைவையும்
ரவிக்கையும் உள்பாவாடையும்
வாங்க முடிந்தது
கல்யாணம் செய்துகொள்ளப்போகும்
தம்பியின் செலவுக்கு கொஞ்சம்
எடுத்து வைக்க ஆனது 
பயணச்செலவுக்கு
மிஞ்சியதை எடுத்து கொள்ள முடிந்தது
அப்பா! ஒரு செயின் வாங்கி கொடுப்பா!
தாலி செயின் மட்டும் போட கஷ்டமா இருக்கு
என்றவளின் மினுக்கட்டான்களில்
உருகியதை மீண்டும்
வாரி கூட்ட முடிவதில்லை ஒருபோதும்