ஒவ்வொருமுறை கடற்கரையில்
இருந்து திரும்பும் போது ஏமாற்றம் அடைகிறேன்
இரண்டு காரணங்களுக்காக
ஒன்று
கடலை எப்போதும் என்னுடன் எடுத்து
வர முடிவதில்லை
இரண்டு
என் உடைகளில் ஒட்டி வரும்
மணலையும் உதிர்த்து விட்டு போக
வேண்டியதாய் இருக்கிறது
ஆனாலும்
என் கால்சராய் பட்டியில்
எப்படியோ
உருண்டு கொண்டு வந்து விடும்
சிறிது மணலில் விரிகிறது
ஒரு அளப்பறியா கடல்
14 comments:
கவிதை அருமை
ஆனால் பாராவின் பாதிப்பு அதிகம்
தவறாக சொல்லி இருப்பின் எனை மன்னிக்க
நல்லாருக்கு வாழ்த்துக்கள்....
என்ன சொல்வது போங்கள்.....
//கடலை எப்போதும் என்னுடன் எடுத்து
வர முடிவதில்லை //
இதில் எவ்வளவு சொல்லிவிட முடிகிறது உங்களால். எத்தனை பெரிய கனவுகளும், ஆசைகளும் நமக்குள்!
சங்க காலத்துப் பாடல் ஒன்றில் வரும்... அதுவும் ஒரு பெண் சொல்வது போல!
என் காதலை எப்படி புரியவைப்பது என்னும் வேட்கையில், “இந்தக் கடலை என் புறங்காலால் அடித்து வற்றச் செய்து விடுவேன்” என்பதாய் அந்த வரிகள் இருக்கும். அப்படியொரு அனுபவமாய் இருக்கிறது இப்போதும்.
கால்சராயில் இருந்து விழும் மணலில் கடலும் ஓடுகிறது என் நண்பனே, உருகிச் செல்லும் உங்கள் அன்பாய். நிறைந்து போகிறேன்.
எழுதித்தீராத சொற்கள் பேசும் கடலைப் பாடச் சலியாததாய் இருக்கிறது
எனக்கு சங்கில் அள்ளி வர முடிந்தது அதன் ஓங்காரதை மட்டுமே
ராமேஸ்வரத்தின் மணலும் கன்னியாகுமரியின் மணலும் நிறத்துக்கு
கடல் என்ற சொல்லுக்குள் கடல் மட்டுமா இருக்கிறது பாலா?
ஒப்பீடுகள் வருத்தமளிக்கிறது
வடிவங்களில் லயிக்கும் மனம் உள்ளீடுகளை பார்க்கத் தவறிவிகிறது
வாழ்த்துகள் ராகவன்
என் கால்சராய் பட்டியில்
எப்படியோ
உருண்டு கொண்டு வந்து விடும்
சிறிது மணலில் விரிகிறது
ஒரு அளப்பறியா கடல்//
யாரையும்போலில்லாமல் தனித்துவமா இருக்கிறது கவிதை ....!
விரிந்துகிடப்பது,அலைவது,அலைய வைப்பது.எல்லைகளற்றுத்தொடர்வதென சொல்லித்தீராத வற்றை தன்னுள் புதைத்துவைத்திருக்கும் கடல்.தன்னிடம் வரும் யாரையும் உள்ளிழுத்துக்கொள்ளும் வல்லமை மிக்கது. நினைவுகளால்.இந்தக்கவிதை மாதிரி.
அன்பின் ராகவன்
உங்களின் பின்னூட்டம் பார்த்தேன்
எனக்கான உங்களின் முந்தைய பின்னூட்டம்
http://nesamithran.blogspot.com/2010/01/1-2.html
இதற்கு பிறகு பின்னூட்டம் வரவில்லையே என் இனிய நண்பரே
அன்பு நிறைய மக்கா
திருநாள் வாழ்த்துகள்
அருமை
//கடலை எப்போதும் என்னுடன் எடுத்து
வர முடிவதில்லை //
ரசித்த வரிகள்
அதே போல் அளப்பறியா கடலும்
//கடலை எப்போதும் என்னுடன் எடுத்து
வர முடிவதில்லை //
அழகான கற்பனை!!
//"கையடக்க கடல்"//
கவிதை ரொம்ப நல்லா இருக்கு ராகவன்.
ஒரு அளப்பறியா கடல் என பார்க்க,சிலாகிக்க,கொண்டாட, கூடவே கூட்டிக் கொண்டு வர உங்களால்தான் முடியும் ராகவன்.உங்களுக்குள் இருக்கும் எங்களுக்காகவும்தானே வருகிறது கடலும் கடல் போன்ற எல்லாமும்.
கோட்டை பெத்தார் அப்பத்தாவையும் கூட்டிக் கொண்டு வந்து விட்டீர்கள் போலேயே..கடலை கொண்டு வந்தது போல்..
இருக்கட்டும்.அப்பத்தா சந்தோசமாய் இருப்பாள்!
:-)
///கடலை எப்போதும் என்னுடன் எடுத்து
வர முடிவதில்லை///
கடலளவு இங்கே கற்பனை விரிகிறது ராகவன். அருமை போங்க.
இரண்டு மூன்று பிரிவின் படிமத்தை உள்ளடக்கி காலோடு ஓடிவரும் மணலாக கவிதை கூடவே வருகின்றது
Post a Comment